Мавсум аввалида катта харидларни амалга оширган Франциянинг «ПСЖ» клуби Чемпионлар Лигасида рақибларини кўрдим демаяпти.
Унаи Эмери жамоаси гуруҳ босқичини Шотландиядаги 5:0 ҳисобидаги ғалаба билан бошлаган бўлса, кейинроқ Парижда Карло Анчелотти бошқарувидаги «Бавария» дарвозасига 3 та жавобсиз гол урилганди. Бу сафар «ПСЖ» Бельгияда 4 та гол фарқи билан зафар қучди.
Ҳужумдаги трио — Мбаппе, Кавани ҳамда Неймар 1 мартадан рақиб постига йўл топган бўлса, учрашув якунида Анҳель Ди Мария ҳам қатордан кам бўлишни истамади. 3 та йирик ғалаба, 12 та гол ва қуруқ серия: парижликлар Чемпионлар Лигасида энг яхши старт олган жамоа бўлиб турибди.
Анчелоттининг истеъфосидан кейин Юпп Хайнкснинг қўлига ўтган ҳам «Бавария» секин-аста ўзига келмоқда. Бундеслиганинг сўнгги турида 5 та гол фарқи билан зафар қучган Мюнхен клуби, бу сафар «Селтик» дарвозасини 3 бор аниқ ўққа тутди.
Европа Чемпионлар Лигаси «B» гуруҳи. 3-тур 18 октябрь, чоршанба
«Бавария» — «Селтик» 3:0
Голлар: Томас Мюллер, 17 (1:0). Жошуа Киммих, 29 (2:0). Матс Хуммельс, 51 (3:0).«Андерлехт» — «ПСЖ» 0:4
Голлар: Килиан Мбаппе, 3 (0:1). Эдинсон Кавани, 44 (0:2). Неймар, 66 (0:3). Анхель Ди Мария, 88 (0:4).
Изоҳ (0)