Украина Олий Радаси биноси яқинида полиция ходимлари ва норозилик намойиши иштирокчилари ўртасида муштлашув юз берди, дея хабар бермоқда Meduza.
Муштлашув намойиш иштирокчилари парламент биноси олдига чодирлар ўрнатишга уринган вақтда юз берган. Украина ИИВ матбуот хизмати хабарига кўра, ҳодиса оқибатида бир полициячи жабрланган.
Полиция ҳисоб-китобига кўра, Украина парламенти биноси олдидаги намойишда олти мингга яқин одам қатнашмоқда. Улар депутатлар дахлсизлигини бекор қилишни, сайлов қонунчилигини ўзгартиришни ва аксилкоррупциявий суд таъсис этишни талаб қилмоқда.
Митингда Украинанинг Одесса вилояти собиқ губернатори Михаил Саакашвили ҳам чиқиш қилди. У Украина президенти Пётр Порошенко истеъфосини талаб қилди ва киевликларни «ишдан сўнг намойишчилар сафига қўшилишга» чақирди.
Изоҳ (0)