Қўшма Штатлар ЮНЕСКОга қайтиш имкониятини истисно этмайди. Бу ҳақда АҚШ Давлат департаменти вакили Хезер Науэрт маълум қилди, дея хабар беради «РИА Новости».
«ЮНЕСКО қайтишимизни, ўзини ислоҳ этишни, таянч нуқтаси — таълим ва маданиятга қайтишни истаса, бундай имкониятни кўриб чиқишимиз мумкин», — деди Науэрт.
АҚШ 2018 йил 31 декабргача ЮНЕСКО аъзоси бўлиб қолади, 2019 йилдан бошлаб эса кузатувчи мақомига эга бўлади.
Эслатиб ўтамиз, АҚШ расмийлари ЮНЕСКОдан чиқиш ҳақида қарор қабул қилди ва буни ташкилотда туб ислоҳотлар ўтказиш ҳамда у ердаги «Исроилга нисбатан нохолисликка» барҳам бериш зарурати билан изоҳлаганди.
Изоҳ (0)