Ҳавонинг ифлосланиши биргина Европанинг ўзида йилига 500 мингдан ортиқ ўлимга сабабчи бўлади. Копенгагендаги атроф-муҳит бўйича Европа агентлиги экспертлари шундай хулосага келди, деб ёзади «Phys.org».
Агентлик маълумотлари ҳаво ифлосланиши даражаси аста-секинлик билан пасаяётганини кўрсатаётган бўлса-да, ноқулай экологик муҳит Европадаги 41 та мамлакатда барвақт ўлимнинг асосий омилларидан бири бўлиб қолмоқда.
Шу билан бирга, ҳаводаги ўпка ва қонга осонлик билан кириб оладиган майда дисперсион зарралар (диаметри 2,5 микрометрдан камроқ бўлган) ўлимларнинг 80 фоизи учун масъулдир. Ҳисоб-китобларга кўра, шаҳар аҳолисининг 82 фоизи аэрозоллар таъсирига мойилдир.
Изоҳ (0)