“Манчестер Юнайтед” “Кристал Пэлас”нинг 21 ёшли ярим ҳимоячиси Адам Уортонга жиддий қизиқиш билдирмоқда. TEAMtalk нашрининг хабар беришича, “қизил иблислар” ёзги трансфер ойнаси ёпилгунига қадар жамоанинг ўрта чизиғини кучайтиришни режалаштирган.
Манбага кўра, Уортон “Манчестер Юнайтед” сафига ўтишга розилик билдирган. Бироқ “Кристал Пэлас” футболчини сотишга шошилмаяпти. Клуб раҳбарияти уни сақлаб қолмоқчи, чунки Марк Геҳи “Ливерпуль”га, Эберечи Эзе эса “Арсенал”га ўтиши мумкинлиги айтилмоқда. Шундай боис, улар яна бир асосий ярим ҳимоячидан бири билан хайрлашишни хоҳламаяпти.
Агар “Пэлас” футболчини сотишга қарор қилса, трансфер нархи камида 60 миллион фунт стерлинг (тахминан 69,6 миллион евро) атрофида бўлиши кутилмоқда.
Шунга қарамай, манкунианликлар Уортон трансферидан воз кечмаган ва унинг атрофидаги вазиятни диққат билан кузатишда давом этмоқда. Сабаби “Манчестер Юнайтед” раҳбарияти Адамни Каземирога муносиб ўринбосар сифатида кўрмоқда.
- Уортон ўтган мавсум барча мусобақалар доирасида 27 та учрашувда майдонга тушиб, икки голли узатма амалга оширган.
- Унинг “Кристал Пэлас” билан тузган амалдаги шартномаси 2029 йил ёзигача мўлжалланган.
- Transfermarkt портали ярим ҳимоячинин қийматини 45 миллион еврога баҳолаган.
Изоҳ (0)