WhatsApp мессенжерида ёмон ниятли кимсалар фойдаланувчилар ҳақида маълумотни қўлга киритишига имкон берувчи заифлик аниқлади. Муаммони аниқлаган дастурий таъминот яратувчиси Роб Хитон бу ҳақда ўзининг сайтида маълум қилди, деб хабар берди «Корреспондент.net».
Заифлик WhatsApp’да фойдаланувчи контактлар рўйхати орқали тармоққа охирги марта қачон кирганини кўриш мумкин бўлган имкониятга боғлиқ. Одатий тарзда ёқилган ушбу параметрни ўчириб қўйиш мумкин, аммо фойдаланувчи ўзининг «онлайн» эканлигини яшира олмайди.
Хитон Chrome браузери учун махсус кенгайтма ёзиб, контактнинг тармоқда пайдо бўлганлигини билдирувчи маълумотлар йиғилган ҳолда кузатув остидаги объектнинг кун тартибини аниқлаш мумкин эканлигини намойиш этди.
Бундан ташқари, Хитон мессенжернинг икки нафар фойдаланувчисини кунлик фаоллиги графикларини тузиб чиқиб, уларга ўзаро суҳбатлашадими ёки йўқ, агарда «ҳа» бўлса, қайси вақтларда суҳбатлашишини юқори эҳтимолик билан аниқлаш мумкинлигини кўрсатиб берди.
Унинг фикрича, ёмон ниятли кимсалар бу орқали фойдаланувчиларни кузатишда фойдаланиши мумкин, олинган маълумотлар эса суғурта компаниялари ва кредит агентликлари учун қизиқиш уйғотиши мумкин.
Изоҳ (0)