Ўзбекистон ва Қирғизистон ўртасида Қамбарота-1 ГЭСини қуриш бўйича ҳамкорлик тўғрисидаги меморандум имзоланди

Қирғизистон Республикаси Президенти Алмазбек Атамбоевнинг Ўзбекистонга давлат ташрифи  ва олий даражадаги Ўзбекистон—Қирғизистон музокаралари доирасида 6 октябрь, жума куни бир қатор икки томонлама ҳужжатлар имзоланди.

Ўзбекистон ТИВ сайтида ушбу ҳужжатлар рўйхати келтирилди:

1. Ўзбекистон Республикаси билан Қирғизистон Республикаси ўртасида чегара ҳудудида ишонч чоралари бўйича битим;

2. Ўзбекистон Республикаси ҳукумати билан Қирғизистон Республикаси ҳукумати ўртасида ҳаво транспорти қатновига хизмат кўрсатиш учун жавобгарликни топшириш тўғрисида битим;

3. Ўзбекистон Республикаси ҳукумати билан Қирғизистон Республикаси ҳукумати ўртасида 1996 йил 4 сентябрда имзоланган халқаро автомобиль қатнови тўғрисидаги битимга ўзгартиш ва қўшимчалар киритиш тўғрисидаги баённома;

4. Ўзбекистон Республикаси ҳукумати билан Қирғизистон Республикаси ҳукумати ўртасида Қирғизистон Республикасининг Жалолобод вилояти, Ола-буқа туманидаги Орто-токой (Косонсой) сув омбори сув ресурсларидан давлатлараро фойдаланиш тўғрисидаги битим;

5. Ўзбекистон Республикасининг «Ўзбекгидроэнерго» АЖ ва Қирғизистон Республикасининг «Миллий энергетика холдинг компанияси» ОАЖ ўртасида Қамбарота-1 ГЭСини қуриш соҳасида ҳамкорлик тўғрисидаги меморандум;

6. 2017—2018 йилларда Қирғизистон Республикасидан Ўзбекистон Республикасига электр энергиясини етказиб бериш тўғрисида шартнома.

5 октябрдаги олий даражадаги Ўзбекистон – Қирғизистон музокараларидан сўнг 10 дан ортиқ икки томонлама ҳужжатлар имзоланганди.