Францияда овчи пенсионерни тўнғиз деб ўйлаб, уни отиб қўйди

Франция жанубидаги Вар департаментида овчи 60 ёшли пенсионерни тўнғиз деб ўйлаган ва уни отиб қўйган. Бу ҳақда Var-Matin нашри хабар бермоқда.

Ҳодиса 2 октябрь куни кечқурун юз берган. Қуёш ботиш вақтида овчи буталар орасидан келаётган овозни эшитган ва ўша томонга уч марта ўқ узган. Бироқ унинг ўлжаси ёввойи ҳайвон эмас, балки маҳаллий қария эркак бўлиб чиққан.

Маҳаллий полициячилар иши юришмаган овчини қўлган олган. Прокуратура вакилининг сўзларига кўра, терговчилар бўлиб ўтган воқеанинг барча ҳолатларини аниқлаштиришга ҳаракат қилмоқда.

Ўз навбатида, маҳаллий овчилар жамияти раҳбарининг маълум қилишича, бунга ўхшаш бахтсиз ҳодиса мазкур ўлкада ўн йил аввал юз берган. Шу билан бирга, у мазкур ҳодиса жорий йилда ов мавсуми очилганидан буён якка ов қилишда эҳтиёткорлик қоидаларининг қўпол бузилиши билан боғлиқ учинчи ҳолат эканлигини билдирган.