Одил Аҳмедов ва «Шанхай СИПГ»га мураббийлик қилаётган Виллаш-Боаш мавсум охиригача четлатилди

Хитойнинг «Шанхай СИПГ» футбол клубида фаолият олиб бораётган португалиялик мутахассис Андре Виллаш-Боаш 8 та ўйинга дисквалификация қилинди.

Виллаш-Боаш бу билан мавсум якунига қадар захира ўриндиғида ўтира олмайди, деб ёзди «Championat.asia» нашри. Боиси Хитой Супер Лигасида мавсум якунига 4 та тур қолди. Мураббий келаси мавсумда ҳам Шанхайда қоладиган бўлса, янги чемпионатнинг яна 4 та ўйинини ҳам мухлислар қаторида кузатишга мажбур бўлади.

Сабаби Виллаш-Боаш «Бейдзин Гуоан»га қарши ўйинда ҳакам билан тортишган. Вазиятни ўрганиб чиққан Хитой Футбол Федерацияси 8 та ўйинлик жазони жоиз деб билган.

«Шанхай СИПГ» 26-турдан кейин Луис Фелипе Сколари бошчилик қилаётган «Гуанжоу Эвергранд» клубидан 4 очко ортда қолмоқда. Виллаш-Боаш шогирдлари бу рақибни Осиё Чемпионлар Лигасининг чорак финалида қолдириб кетишга муваффақ бўлган ва ярим финалга қадар етиб келганди. Шанхай клуби португалиялик мураббий ташрифига қадар қитъа чемпионатида бу қадар катта ютуққа эриша олмаганди.