Афғонистон президенти Ашраф Ғани расмий ташриф билан Ўзбекистонга келади. Бу ҳақда Халқаро пресс-клубнинг 29 сентябрь куни бўлиб ўтган сессиясида Ўзбекистон ташқи ишлар вазири Абдулазиз Комилов маълум қилди, дея хабар бермоқда «Газета.uz».
«Ҳозирда бўлажак ташриф устида иш олиб боряпмиз. Ташрифнинг аниқ саналари ҳозирча белгиланмаган, бироқ бу масалани чўзиб ўтирмаймиз, деб ўйлайман», — деди ТИВ раҳбари.
Ташриф доирасида икки мамлакат ўртасидаги иқтисодий муносабатлар, хусусан, баъзи лойиҳалар, жумладан, йўл-транспорт коммуникацияларига дахлдор дастурларни рўёбга чиқаришда Ўзбекистонниг эҳтимолий иштирокини муҳокама қилиш режалаштирилмоқда.
Бундан ташқари, томонлар Афғонистондаги вазиятни тартибга солиш масалаларини ҳам муҳокама қилиши кўзда тутилган.
Аввалроқ бир қатор нашрларда Афғонистон президенти Ашраф Ғани 15 октябрда Ўзбекистонга ташриф буюриши ҳақида хабарлар пайдо бўлган эди.
Изоҳ (0)