Маълум бўлишича, ҳатто дераза ювиш, гиламчаларни қоқиш ёки ойнани тиш пастасидан тозалашни ҳам нотўғри бажаришимиз мумкин экан.
Qlean компаниясининг эксперти уй тозалашда қандай қилиб хатоларга йўл қўймаслик ҳақида айтиб беради.
Сиз ойнани ҳўл латта билан артасиз
Ойнани ҳўл латта билан артишда сиз унинг юзасидаги чангларни чаплаштириб юборасиз, кейин эса уларни йиғишга ўринасиз. Аввалига ойна юзасини қуруқ латта билан артишга ва чангларни йиғишга, кейин эса бармоқ изларини, қуриган сув томчилари ёки тиш паста изларини артишга ҳаракат қилинг.Сиз юмшоқ мебелларни чангюткич ёрдамида тозаламайсиз
Юмшоқ мебеллар устида китоб жавони рафларидагидан кам чанг йиғилмайди. Шунинг учун хоналарни ҳар бир йиғиштиришда юмшоқ мебеллар устидаги чангларни ҳам чангюткич билан тозалашни унутманг, диван устидаги ёстиқчаларнинг жилдларини эса мунтазам равишда ювиб туринг.Сиз деразаларни қуёшли кунларда ювасиз
Қуёш таъсирида ҳар қандай ювиш воситалари ҳам жуда тез қуриб қолади, натижада ойнада излар қолади. Албатта, уларни қуруқ латта ёки қоғоз билан кетказиш мумкин, лекин бунга вақт сарфлашнинг нима кераги бор? Яхшиси булутли ҳавони кутинг.Сиз силлиқловчи воситани мебель устига сепасиз
Агар сиз бу воситани мебель устига сепсангиз у ёпишқоқ бўлиб қолади. Шунинг учун уни латтага сепинг ва мебелларни артинг.Сиз тозалаш учун латталарни тез-тез алмаштирмайсиз
Бу нотўғри. Ошхонадаги стол артадиган латтада ва идиш ювадиган губкада жуда кўп бактериялар, ойналар ва китоб жавонларини артадиган қуруқ латталарда эса кир қолдиқлари йиғилади. Натижада хоналар тоза бўлишнинг ўрнига уйингизда антисанитария ҳолати юзага келади. Латталарни тез-тез алмаштиринг — масалан, бир ҳафтада бир марта, ва уйни тозалаш осонроқ бўлади.Сиз шошиласиз
Агар биронта ювиш воситасига «Суриш ва 10 дақиқа қолдириш керак» деб ёзилган бўлса, бу тавсияга риоя қилинг. Кимёвий воситага ўзининг ишини яхшилаб амалга оширишга ва кирларни тозалашга имкон беринг.Сиз гиламчаларни балкондан туриб қоқасиз
Биринчидан, ҳамма чанглар ўзингизнинг балконингизга қайтиб келиб қўнади. Иккинчидан, қўшниларингиз сизнинг бу ишингиздан норози бўлишади.Манба: «Хитрости жизни»
Изоҳ (0)