«Тиғ бўйлаб югурувчи 2049» фильмининг аниме жанридаги қисқа метражли сўнгги приквели чиқди (видео)
«Тиғ бўйлаб югурувчи 2049» фильмининг аниме жанридаги қисқа метражли сўнгги приквели чиқди, дея хабар бермоқда TJournal. Уни «Аниматрица» эпизодларидан бири устида ишлаган режиссёр Синитиро Ватанабе яратди.
Қисқа метражли фильм «Тиғ бўйлаб югурувчи» оламида 2022 йилда юз берган «блекаут» ҳақида ҳикоя қилади. Сюжетга кўра, репликантлар одамларга қарши исён кўтаради ва Лос-Анжелесга электромагнит бомбани ташлайди. Бу шаҳарда электр токи ўчиб қолишига ва ақлли роботлар ишлаб чиқарилишининг тақиқланишига олиб келади, шунингдек, Tyrell корпорацияси фаолиятига нуқта қўяди. Ўн йилдан сўнг репликантларни энди Wallace корпорациясида яна яратишни бошлашади, «Тиғ бўйлаб югурувчи 2049» фильмида айнан у ҳақда гап боради.
Бу биринчи «Тиғ бўйлаб югурувчи» ва унинг давоми ўртасидаги воқеалар ҳақида гапириб берувчи учинчи ва охирги қисқа метражли фильмдир. «Тиғ бўйлаб югурувчи 2049» кинотеатрларда 6 октябрдан намойиш этилади.
