Мексика президенти Энрике Пенья Ньето мамлакат фуқароларини кучли зилзиладан жабрланган ҳудудларнинг иқтисодиётини қайта тиклаш учун бу ерларга туристик мақсадларда тез-тез келиб туришга чақирди, деб ёзади «РИА Новости».
«Биз туризм иқтисодиётининг асосий қисмини ташкил қилган жойларда туризмни илгари суриш кампаниясини ишга туширяпмиз. Бу ҳудудларга ёрдам беришнинг энг яхши усули — у ерларга ташриф буюриш, улар жабр кўрди, бироқ туристларни қабул қила олади», — деди Пенья Ньето.
Мексикада 7,1 магнитудали зилзила 19 сентябрь куни юз берди. Кейинроқ 5,8 ва 6,1 магнитудали яна иккита такрор зилзилалар бўлиб ўтди. Сўнгги расмий маълумотларга кўра, 333 киши ҳалок бўлди.
Изоҳ (0)