Чемпионлар Лигасининг сўнгги 5 мавсумида «Реал» ва «Боруссия» клублари ўзаро 8 бор тўқнаш келган бўлиб, шуларнинг 4 тасида мадридлик футболчилар Дортмундга ташриф буюрган ва бирортасида зафар қуча олмаганди. Ўйинларнинг 3 тасида Бундеслига клуби зафар қучган, 1 тасида ғолибни аниқлаб бўлмаганди.
Жорий мавсумга келиб Зинедин Зидан «Реал»нинг бу қора анъанасига барҳам бериб, «Сигнал Идуна Парк»дан ғалаба билан қайтди — 3:1. Шу куни «Реал» сафида 400-учрашувини ўтказган Криштиану Роналду дубл қайд этди. У «AПОЭЛ»га қарши ўтган дастлабки турда ҳам 2 та гол урганди. Шу тариқа португалиялик футболчи «Реал» учун урган голларини умумий 411 тага етказиб олди.
Лондоннинг «Тоттенҳэм» клуби дастлабки турда дортмундликларни 3:1 ҳисобида таслим қилган бўлса, бу сафар Кипрда йирик ғалабага эришди. Шу тариқа 2-турдан кейин Мадрид ва Лондон клубларининг ҳолати бир хил кўриниш касб этди.
Европа Чемпионлар Лигаси. «H» гуруҳи. 2-тур 26 сентябрь, сешанба
«Боруссия Дортмунд» — «Реал Мадрид» 1:3
Голлар: Гарет Бэйл, 18 (0:1). Криштиану Роналду, 50 (0:2). Пьер-Эмерик Обамеянг, 54 (1:2). Криштиану Роналду, 79 (1:3).«AПОЭЛ» — «Тоттенҳэм» 0:3
Голлар: Ҳарри Кейн, 39 (0:1). Ҳарри Кейн, 62 (0:2). Ҳарри Кейн, 67 (0:3).
Изоҳ (0)