АҚШнинг Мексика билан чегараси яқинида девор прототипи яратилмоқда

АҚШнинг Мексика билан чегарасида жойлашган Сан-Диего шаҳрида девор прототипларини яратиш бошланди. Бу ҳақда божхона-чегара хизмати сайтига асосланиб, «РБК» хабар бермоқда.

Хабарда айтилишича, ҳаммаси бўлиб, саккизта девор прототипи қурилиши режалаштирилмоқда. Улардан тўрттаси бетондан, қолганлари эса бошқа қурилиш материалларидан қад кўтаради.

Девор прототипларининг барчаси 548 сантиметрдан 914 сантиметргача узунликда бўлади.

Уларнинг лойиҳаси ҳудудга ноқонуний кириб келишнинг олдини олишни кўзда тутган ҳолда ишлаб чиқилган. Прототиплар 30 кун ичида қуриб битказилади.

Божхона-чегара хизмати раҳбари вазифасини бажарувчи Рональд Вителлонинг айтишича, чегарада девор прототипларини қуриш «чегара хавфсизлигини таъминлаш»га бўлган иштиёқни англатади.

«Девор прототипларини яратиш бизга чегарани қўриқлш учун керакли воситаларни қўллашда давом этиш имконини беради», — дейди у.