Ироқ Курдистони мустақиллигини ёқлаб сайловчиларнинг 91,83 фоизи овоз берди, деб ёзади «РИА Новости» Курдистон Олий мустақил сайлов комиссиясига таяниб.
«3,44 миллионта овоз ҳисоблаб чиқилгач, уларнинг 91,83 фоизи ижобий, 8,17 фоизи салби жавоб бергани маълум бўлди», — дейишди комиссиядагилар.
Референдумда 3,4 миллион сайловчи қатнашди. Сайловга жами сайловчиларнинг 72,16 фоизи келди.
Комиссиядагилар таъкидлашича, 90 фоиздан ортиқ бўлган жуда баланд кўрсаткичлар Киркук вилояти, шунингдек, Найнов вилоятидаги Синжар язидлар тумани ҳамда насронийлар туманлари намойиш қилган. Ижобий жавобнинг энг кам фоизи Сулаймония шаҳрида кузатилган.
Изоҳ (0)