АҚШ Молия вазирлиги 26 сентябрь, сешанба куни Шимолий Кореянинг саккизта банкига қарши санкциялар жорий қилди, деб хабар берди «Интерфакс».
Молия вазирлигининг хабарида айтилишича, шунингдек, чекловлар ушбу банкларнинг 26 нафар ходимига ҳам тегишли. Хусусан, гап КХДРнинг Россиядаги учта вакиллик банки ҳақида ҳам кетмоқда — Владивостокда жойлашган КХДР Ташқи савдо банки, Москвадаги Korea Kumgang Group Bank ва Korеа Unification Development Bank.
Шу билан бирга, Agricultural Development Bank, Cheil Credit Bank, Hana Banking Corporation, International Industrial Development Bank, Jinmyong Joint Bank, Jinsong Joint Bank, Koryo Commercial Bank Ltd, Ryugyong Commercial банклари ҳам санкцияга учрайди. Америка Молия вазирлигининг ҳисоблашича, ушбу банклар КХДР ҳукуматининг ядровий ҳамда ракета дастурларини яратишида ёрдам кўрсатмоқда.
Ўтган ҳафта АҚШ президент Дональд Трамп Шимолий Кореяга нисбатан санкцияларни кучайтиришини маълум қилганди. Президент фармони КХДР билан иқтисодий муносабатларга киришмоқчи бўлган одамлар ва компанияларга йўналтирилган.
«Янги фармон Шимолий Кореянинг энг хавфли қуролларни ишлаб чиқаришга қаратилган ҳаракатларини қўллаб-қувватловчи молиявий оқимларга барҳам беради», — деган эди Трамп.
Изоҳ (0)