Буюк Британия полицияси Лондон метрополитенининг «Парсонс-Грин» бекатида уюштирилган терактга алоқадорликда гумондор еттинчи шахсни ушлади. Бу ҳақда «ТАСС» хабар бермоқда.
Скотленд-Ярд баёнотига кўра, 20 ёшли йигит Кардиффда ушланган. Унинг шахсияти ҳақида ҳозирча ҳеч қандай маълумот тақдим этилмади.
Портлаш 15 сентябрь куни амалга оширилган эди. Унинг оқибатида 30 киши жароҳатланди.