Франциянинг аксарият департаментларида 24 сентябрь маҳаллий вақт билан соат 08:30 да Сенат аъзолари бир қисмининг ўринлари учун сайловда овоз бериш бошланди. Бу ҳақда «Коммерсантъ» хабар берди.
Бу билвосита сайлов бўлиб, унда «катта сайловчилар» — шаҳар мерлари, шаҳар, департмент, ва вилоят кенгашлари депутатлари иштирок этади. Сайлов жараёни 17:30 да ўз ниҳоясига етади. Сайлов якунлари куннинг охирида маълум қилиниши керак.
Франция сенаторлари олти йилга сайланади. Бугунги сайловда юқори палатадаги 348 нафар аъзодан 171 нафари ўзгаради. Сайловлар Франциянинг Европа қисмидаги 38 та департаментда ва денгиз ортидаги олтита департамент ва ҳудудда бўлиб ўтмоқда. Сайловларда 1996 нафар номзод иштирок этмоқда — бу мазкур турдаги сайловлар учун Франциядаги рекорд.
Изоҳ (0)