Футбол бўйича Ўзбекистон миллий терма жамоасини яқин келажакда хорижий мутахассис қабул қилиб олиши мумкин.
ЎФФ матбуот хизмати ташкилот президенти Умид Аҳмаджонов илгари сураётган масалалар юзасидан баёнот берди. Унда бир қатор устувор масалалар санаб ўтилган бўлиб, биринчи галда Ўзбекистон миллий терма жамоасига янги бош мураббий тайинлаш вазифасига эътибор қаратилган.
Янги раҳбарият миллий терма жамоага бош мураббий тайинлашда фақат хорижлик мураббийлар номзодини кўриб чиқаётганлигини маълум қиламиз, деб ёзди матбуот хизмати. Бунда номзодлар ким экани борасида маълумот берилмаган.
Ўзбекистонлик футбол мухлислари ва журналистлар бир неча йиллардан буён мамлакат бош жамоасига чет эллик тажрибали мураббий тайинлаш фикрини илгари суриб келаётган бўлса-да, ЎФФнинг аввалги раҳбарияти ЖЧ—2018 вазифасини муваффақиятли ҳал этишни Самвел Бабаян гарданига юклаганди. Янги раҳбарият эса талаб ва истакларни инобатга олган.
Изоҳ (0)