12 сентябрдан буён Ўзбекистон футбол федерацияси президенти сифатида ишлаб келаётган Умид Аҳмаджонов, аввалги президент Мираброр Усмонов каби ижтимоий тармоқларда ўтирмайди. ЎФФ матбуот хизматининг маълум қилишича, у яқин орада қайсидир тармоқдан профил очишни режалаштирмаяпти ҳам.
Сўнгги пайтларда ижтимоий тармоқларда сохта аккаунтларнинг кўпайиши ва уларда асоссиз хабарларнинг тарқатилиши ортидан Ўзбекистон Футбол Федерацияси матбуот хизмати қуйидагиларни маълум қилади. Ташкилот президенти Умид Аҳмаджоновнинг ижтимоий тармоқларда аккаунти йўқ ва яқин орада очишни ҳам режалаштирмаяпти, деб ёзилган баёнотда.
Федерация билан боғлиқ расмий баёнотлар, хабар ва маълумотлар ЎФФ расмий сайтида, унинг ижтимоий тармоқлардаги расмий аккаунтларида бериб борилиши маълум қилинган.
ЎФФ президенти ёки ташкилотнинг бошқа раҳбарига айтар гапи бор кишилар info@the-uff.com электрон почтасига таклиф ва мулоҳазаларини юбориши мумкин. Айтилишича, раҳбарлар мурожаатчилар фикрини эшитишга тайёр.
Изоҳ (0)