Судга оширилган Жасур Иброҳимов иши, қўлга олинган Spark ўғриси, бир ҳафтада 300 млн долларни сўмга алмаштирган ўзбекистонликлар ва куннинг бошқа муҳим хабарлари

14 сентябрнинг эътиборга молик янгиликлари — «Дарё»нинг кечки дайжестида.

Жасурбек Иброҳимовнинг ўлими билан боғлиқ иш судга оширилди. Бошқа маълумотлар ошкор қилинмаган. Улар суд иши давомида маълум бўлади.

Марказий банк: Ўзбекистонда валюта сотиш эҳтиёжи уни сотиб олишга бўлган талабдан юқори. Конвертация очилганидан буён банклар жисмоний шахслардан 200 миллион доллар, юридик шахслардан эса 100 миллион доллардан ортиқ валюта сотиб олди.

Шавкат Мирзиёев 17 сентябрь куни Туркманистонга ташриф буюради. У Ашхобод шаҳрида ўтказиладиган Ёпиқ иншоотларда ва жанг санъатлари бўйича V Осиё ўйинларининг очилиш маросимида иштирок этади.

Тошкент шаҳар ИИББ раҳбари ходимларининг олиб қочилган Spark’ни ушлашдаги хатти-ҳаракатларига баҳо берди. 5 сентябрь куни Spark автомобилини олиб қочган, сўнг ушлаш пайтида қаршилик кўрсатиб, йирик ЙТҲ келтириб чиқарган шахс ушланди.

Тожикистон президентининг вертолёти аэропорт раҳбарининг ўлимига сабаб бўлди. Президент вертолётининг парракларидан эсган шамол туфайли Хорог шаҳари аэропорти раҳбари Дилдор Мақсудшоев йиқилиб тушган ва боши билан тошга урилган.