«Халқ банки» банкоматларидан пулни нақдлаштиришда умумий сумманинг 1 фоизи миқдорида комиссия солиғи белгиланди. Бу хабарни банк вакили UZ24 нашрига тасдиқлади.
«12 сентябрдан банкнинг барча филиалларида 1 фоиз миқдорда комиссия жорий қилинди. Ушбу фоиз банкомат орқали пулни нақдлаштириш жараёнида автоматик тарзда ечиб олинади», — таъкидлайди банк.
«Халқ банки» вакилининг сўзларига кўра, комиссия фоизи миқдори Марказий банк томонидан барча банклар учун белгиланган. NBU ва «Ипак йўли банки»идан хабар берилишича, уларнинг банкоматларида ҳозирча комиссия жорий қилинмаган.
«Микрокредит» вакилининг айтишича, унинг банкоматлари вақтинча ишламаяпти. Бунинг сабаби маълум қилинмади.
«Ипотека банк» билан боғланишнинг имкони бўлмади.
Изоҳ (0)