Германиянинг турли шаҳарларида бўлиб ўтаётган сайловолди тадбирларида мамлакат канцлери Ангела Меркелга бир ҳафта ичида икки марта помидор улоқтиришди. Бу ҳақда немис ОАВларига асосланиб, «РИА Новости» хабар берди.
DPA агентлигининг хабар беришича, Мекленбург—Олд Померания сайлов лагерига ташрифи доирасида канцлернинг автомобилига помидорлар улоқтиришган. Намойишчилар, хусусан «Германия учун муқобил» партияси тарафдорлари «Кет, йўқол», дея бақиришган. Канцлер билан бўлган учрашувда «ўнглар»нинг 150 нафар тарафдори иштирок этиб, Меркелни ҳуштаклар остида кутиб олди.
Bild’нинг ёзишича, худди шу каби ҳолат 5 сентябрь куни Гейделберг шаҳрида ҳам содир бўлган. Номаълум шахслар эгнига қизил кийим кийиб олган Меркелга иккита помидор отиб қолган.
Германия бундестаги сайловлари 24 сентябрь куни бўлиб ўтади.