Олий Мажлис Сенати раиси Танзила Норбоева Сингапур парламенти спикери Сиа Kиaн Пенг бошчилигидаги делегацияни қабул қилди. Бу ҳақда Сенат матбуот хизмати хабар берди.
Суҳбат аввалида Сингапур делегацияси вакиллари икки мамлакат раҳбарларининг ташрифлари натижасида Ўзбекистон ва Сингапур ўртасидаги дўстона алоқалар янги босқичга кўтарилганини алоҳида эътироф этди.
Учрашув давомида парламентлар ўртасидаги ўзаро алоқалар, илм-фан ва таълим, савдо-иқтисодий ҳамда давлат бошқаруви ва юқори малакали кадрлар тайёрлаш масалалари, коррупцияга қарши курашиш борасидаги амалий ҳамкорлик алоқалари муҳокама қилинди.
Шунингдек, парламентлараро фаол ҳамкорлик мамлакатлар ўртасидаги барча даражадаги муносабатларни ривожлантиришда муҳим механизмлардан бири эканлиги қайд этилди.
Учрашув сўнгида парламентлар қўмиталари ўртасида амалий ҳамкорликни йўлга қўйишга ва “дўстлик гуруҳлари” фаолиятини жадаллаштиришга келишиб олинди.
Изоҳ (0)