Бугун Rozmetov оилавий компаниянинг асосчиси директори Зиёвуддин Розметов бизнинг меҳмонимиз бўлди.
– Ассалому алейкум, Зиёвуддин ака. Бизга вақт ажратганингиз учун ташаккур. Истеъмолчиларимиз учун муҳим янгилигингиз бор эканини биламиз. Шу ҳақида сўзлаб берсангиз.
– Ассалому алайкум. Истеъмолчиларимиз учун ажойиб янгилигимиз бор: июль ойида Rozmetov компанияси «Ҳалол» халқаро сертификатини қўлга киритди.
– Табриклаймиз! Бу қандай сертификат экани ҳақида батафсил айтиб берсангиз?
– «Ҳалол» сертификати – бу мустақил ташкилот («Ҳалол» Халқаро стандартизация ва сертификация маркази) томонидан хом ашё, қўшимчалар, қадоқ турлари, зираворлар, ишлаб чиқарилаётган маҳсулот, ишлаб чиқариш хоналари, фойдаланилаётган анжомлар, иш фаолияти (бизнес) олиб борилиши, хизмат кўрсатиш ва бошқаларнинг «Ҳалол» талабларига жавоб беришини мувофиқлаштирувчи ҳужжат саналади.
– Текширув қай тариқа ўтади? Шу ҳақида батафсил тўхталсангиз.
– Компаниямиз Стандартизация марказига ариза топширди ва мустақил комиссия Тошкентга учиб келди ҳамда компаниянинг барча ишлаб чиқариш жараёнини синчковлик ва диққат билан ўрганиб чиқди. Биз марказ вакиллари билан ферма, қушхона ва бевосита заводда синовларни ўтказдик. Текширув якунида тайёр маҳсулотнинг барча намуналари ДНК тестини ўтказиш учун хорижий лабораторияга топширилди.
– Ҳақиқатдан ҳам жиддий текширув экан. Сертификат олингунга қадар барча маҳсулотлар «Ҳалол» стандартларига мувофиқ ишлаб чиқарилганми?
– Бу масала юзасидан компаниянинг тамойиллари у 1989 йилда ташкил этилганидан буён қаттиққўллигича сақланиб келинади. Оиламиз барча анъаналарни қадрлайди, риоя қилади ва маҳсулот анъаналарга мос эканлигини тасдиқлайди.
– Ажойиб. Ушбу воқеликдан кейин компаниянинг келажакдаги режалари ҳақида нима дея оласиз?
– Компания олдида янги чўққи ва истиқболлар очилмоқда. Сертификат маҳсулотларимизни бошқа мамлакатларга экспорт қилиш имконини беради, аммо биз ўзимизнинг истеъмолчиларни ҳам унутмаймиз. Биз бир жойда тўхтаб қолмаймиз – ассортиментни доимо кенгайтирамиз, сифат барқарорлиги устида ишлайиз ва кўплаб янгиликларни тайёрлаймиз.
– Сабрсизлик билан кутамиз. Ушбу янгиликни биз билан баҳам кўрганингиз учун ташаккур!
– Сизларга раҳмат! Шунингдек, Rozmetov компанияси жамоаси номидан барча юртдошларимизни ўтиб кетган байрамлар билан табриклаб, энг эзгу ниятларни тилаб қоламан.
Реклама ҳуқуқи асосида!
Изоҳ (0)