25 август куни Chortoq Mineral Water компанияси журналистлар учун Наманган вилоятининг Чортоқ дам олиш ҳудудида жойлашган заводига матбуот-турини уюштирди.
Чортоқ суви, эндиликда, ўтган йили қурилиб фойдаланишга топширилган янги юқори технологик заводда ишлаб чиқарилади. Соатига 4 минг дона 0,5 литрлик шиша идишни қадоқлаш қувватига эга ушбу заводда 46 киши фаолият юритади.
Ерости қудуқдан қазиб олинган минерал сув фаоллаштирилган кўмир ёрдамида икки маротаба тозаланади, сўнгра турли аралашмалардан уч маротаба фильтрациядан ўтказилади, ультрабинафша нурлар орқали зарарсизлантирилади ҳамда углерод икки оксиди билан бойитилади. Шундан сўнг сув яшил рангли шиша идишларга қуйилиб қадоқланади.
«Чортоқ — қарийб ярим асрлик тарихга эга минерал сув брендидир. Биз ушбу шифобахш сувни тозалаш жараёнининг ҳар бир босқичига катта масъулият билан қараймиз. Айни пайтда идишнинг янги дизайни янада мукаммал кўринишга эга: у яшил рангли ва кучли қуёш нурлари ва бошқа ташқи салбий таъсирлардан ҳимоялангандир», — деб таъкидлади Алексей Тудаков, Chortoq Mineral Water компанияси раҳбари.
Ичимлик сувини олиш мақсадида 507 метр чуқурликда 32-рақамли қудуқ очилганди. Оддий ичимлик суви ўрнига субтермал (+30оС) хлорид-сулфат-натрий таркибига эга минерал суви аниқланди. Бу сув ошқозон-ичак тизими, жигар, ўт пуфаги йўллари, ошқозоности бези ҳамда қандли диабет каби хасталикларни даволашда кенг қўлланилади.
Buncra BV (Голландия) компанияси ва маҳаллий таъсисчиларнинг сармоялари кўмагида топилган минерал сув манбайи асосида завод қуришга қарор қилинди. Chortoq Mineral Water МЧЖ қўшма корхонаси минерал ичимлик сувини ишлаб чиқаришга ихтисослашган юқори талабларга жавоб берувчи JK Engineering Co., Ltd. (Жанубий Корея) ускуналари билан жиҳозланган.Матбуот-тури доирасида ОАВ вакиллари сувни шиша идишларга қуйиш, тозалаш, фильтрация ва зарарсизлантириш жараёнларини кўздан кечирдилар.
Батафсил маълумотни www.chortoq.com сайтида топишингиз мумкин.
Журналистлар учун контактлар: Барно НазарзодаMaslov PR Tashkent барно.nazarzoda@maslov-pr.com +99890 968 25 60.
Shak’s Media Реклама агентлиги: Малика Шакирова +998(71) 252-53-52;+998(71) 230-99-95.
Реклама ҳуқуқи асосида!
Изоҳ (0)