Бокс бўйича Жаҳон Чемпионатининг финалига Жасур Латипов ва Шаҳрам Ғиёсов ҳам йўл олди. Бунга қадар Ҳасанбой Дўстматов ҳамда Иқбол Холдоров олтин учун жанг қилиш имкониятини қўлга киритганди.
Санжар Турсунов каби Бектемир Мелиқўзиев ҳам бронза билан чекланадиган бўлди. Унинг ярим финалдаги рақиби ирландиялик Жозеф Уорд бўлиб, жанг 3:2 ҳисобида якунига етди. «Оламспорт» нашрининг маълумот беришича, мазкур тўқнашув тўлиқ ўзбекистонлик спортчининг устунлигида ўтганига қарамай, якунда ҳакамлар Уорднинг ғалабасини эълон қилди. Аввалроқ нашр Исроил Мадримовнинг ҳам ноҳақ мағлуб этилгани ҳақида ёзганди.
Икки йил аввал Қатарда ўтган Жаҳон Чемпионатида Ўзбекистон терма жамоаси 3 та бронза ва 3 та кумуш медалига эга чиққанди. Энди эса финалда жанг қиладиган ўзбекистонликлар сони 4 нафар. Бу аввалги натижа яхшиланганидан далолат беради.
- -52 кг: Жасур Латипов — Ин Кю Ким (Жанубий Корея) — 5:0
- -69 кг: Шаҳрам Ғиёсов — Аблайхан Жусупов (Қозоғистон) — 4:1
- -81 кг: Бектемир Мелиқўзиев — Жозеф Уорд (Ирландия) — 2:3
Изоҳ (0)