Тошкентда Huawei MediaPad t3 планшети 1,5 млн сўмдан сотувга чиқди

Ўзбекистонда Huawei компаниясининг янги MediaPad t3 (7.0) арзон планшет компьютери сотила бошлади, деб ёзади «Mobinfo.uz».

Планшетнинг SIM-карта учун слотли версияси йўқ, унда интернетга фақат Wi-Fi орқали уланиш мумкин. Қурилма Android 6.0 Marshmallow операцион тизимида ишлайди.

Huawei MediaPad t3 7.0 планшети MediaTek MT8127 процессори, 1 Гб тезкор ва 8 Гб доимий хотира (ёки 2 Гб / 16 Гб), 7 дюймли 1024×600 пикселли экран, 2 мегапикселли асосий ва 2 мегапикселли олд камера, 3100 мА/соат сиғимли аккумулятор билан жиҳозланган.

Планшетни Тошкентдаги «Малика» технобозорида, тахминан, 1,5 миллион сўмга харид қилиш мумкин.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.