Россиянинг Калининград—Зеленоградск трассасида юз берган йўл-транспорт ҳодисасида 49 ёшли Ўзбекистон фуқароси ҳалок бўлди, деб ёзади «1news.uz».
ЙҲХДИ дастлабки маълумотларига кўра, аварияни 45 ёшли ҳайдовчи бошқарган Renault русумидаги автомобиль келтириб чиқарган. Эркак йўлнинг ўнг томонга бурилган қисмида бошқарувни йўқотган ва енгил машина дастлаб металл тўсиққа бориб урилган, сўнг йўлнинг қарама-қарши томонига учиб чиқиб, юк машинаси билан тўқнашган.
Зарбадан юк машинаси ағанаб кетган ва тиркамадаги рапс (ўсимлик) йўл четида турган 49 ёшли аёл устига тўкилган, у эса воқеа жойида ҳалок бўлган. ЙТҲ натижасида бошқа ҳеч ким жабр кўрмаган.
Изоҳ (0)