Олимлар ҳамкасблар билан гаплашиш аслини олганда ишга халал бермаслигини, балки ишлашга ёрдам беришини аниқлади.
Бу мияга ижобий таъсир кўрсатади
Мичиган университетининг олимлари жуда қизиқарли тажриба ўтказди. Қатнашувчиларни икки гуруҳга ажратишди. Бошида биринчи гуруҳдаги тажриба қилинаётганлар 10 дақиқа ичида бир-бирлари билан танишишлари керак эди. Иккинчи гуруҳдагилардан эса маълум бир мавзудаги ўзаро баҳсларда иштирок этишларини илтимос қилишди. Кейин ҳамма қатнашувчиларга бир неча мураккаб масалаларни ечишни таклиф қилишди.Бунгача эркин вазиятда ўзаро мулоқотда бўлган биринчи гуруҳдаги тажриба қатнашчилари масалаларни ечишда яхши натижаларга эришишди. Уларда бош мия бажарувчи функцияларининг анча яхшиланганлик белгилари кузатилди. Бу жараёнлар режалаштириш, диққатни тўплаш, энг муҳимини белгилаш ва ҳатто уларни ташкил қилишга, бошқача қилиб айтганда бизга иш учун зарур бўладиган малакалар ва сифатларга жавоб беради.
Бу ишдан лаззат олишга ёрдам беради
Суриштириш пайтида қатнашувчиларнинг деярли 89 фоизи ҳамкасблар билан мулоқотда бўлиш яшаш тарзига ижобий таъсир кўрсатишини тасдиқлашди. Шунингдек, маълум бўлдики: агар ишхонада одамнинг ҳеч бўлмаса битта дўсти бўлса, бу уни корхона билан маҳкамроқ боғлайди ва бу ерда қолиш истагини қувватлаб туради.Ҳамма гап эмпатияда. Атрофдаги одамлар билан боғлиқликни ҳис қилиш қобилияти ходимларда ишга бўлган қизиқишни ва ўз ишига берилишни таъминлайди. Одам ҳамкасблари билан суҳбатлашиши натижасида аста-секинлик билан ўз ғояларини ва мулоҳазаларини айтишдан қўрқиш ҳисси йўқола бошлайди. У ўзини эркин ва бехавотир сезади.
Манба: «Novate.ru»
Изоҳ (0)