Ўзбекистон Миллий университетининг Социология йўналишига ўқишга кирган талабаларнинг қарийб барчаси бир аудиторияда бўлганини билдирувчи шубҳали белгилар ҳақида маълум қилинди. Бу ҳақда ҳуқуқшунос Хушнудбек Худойбердиев ўз блогида маълумот берган.
Мазкур йўналишга 148 абитуриент ҳужжат топширган, квота бўйича фақат 15 киши — 4 та грант ва 11 та контракт ўрин бўйича ўқишга қабул қилинган. Маълум бўлишича, ўқишга кирганлардан 11 нафарининг жавоблар варақаси рақамлари 767 06 73 дан бошланиб, …74, …75, …76, …77, …78, …79, …80, …81, …82, …83 рақамлари билан тугаган.
«Қолган тўртта бегона рақам ҳам бир-биридан узоқ эмас. 726 67 23, …24, …26 ва …10», — деб ёзади ҳуқуқшунос. Айнан ...10 рақамли абитуриент ўқишга кирганлар орасида энг паст — 109,9 балл тўплаган, ундан аввалги абитуриент 148,8 балл (оралиқ фарқ — қарийб 40 балл) олган. Ўқишга кира олмаганлар рўйхатида биринчи ўринда турган талабгорнинг балли — 100,5.
Бу ерда «ёпиқ йўналиш» ҳақида гап-сўз бўлиши мумкин эмас. Чунки ЎзМУда бундай қилишмайди — ҳеч қачон эшитмаганман. Бу ерда битта тахмин бўлиши мумкин — қайсидир аудиторияда назорат ўта суст, қолганларида эса даҳшатли даражада қаттиққўллик эвазига ҳам шундай йирик тафовут юзага келиши мумкин. Яна ҳам ким билсин, балки буларнинг бари шунчаки тасодифдир...Аввалроқ Тошкент давлат иқтисодиёт университети кириш имтиҳонлари шаффоф ўтганини шубҳа остига қўювчи белгилар топилгани ҳақида хабар берилган эди. Хусусан, ОТМда эълон қилинган имтиҳон натижаларига қараб, Менежмент йўналишининг ўзбек тили йўналишига ўқишга кирган 70 нафар талаба, рус тили йўналишига қабул қилинган 15 нафар талаба, шунингдек, Статистика йўналишига ўқишга кирган 60 нафар талаба ўқишга кира олмаган абитуриентлардан алоҳида аудиторияларда тест ечган, деган хулоса берилган. Ўқишга кирган талабалар ва ўқишга кира олмаган абитуриентларнинг баллари орасидаги фарқ сезиларли даражада катта экани ҳам шубҳага сабаб бўлган.Хушнудбек Худойбердиев, ҳуқуқшунос
Изоҳ (0)