Tesla Motors ва SpaceX ракета компаниясини ишга тушириб банкрот бўлишига сал қолган Илон Маскнинг бойлиги биринчи бор 20 миллиард доллардан ошди, деб хабар берди Forbes.
22 август куни Forbes ҳар йилиги дунёнинг энг бой технологик миллиардерлари рўйхатини эълон қилди. Маск 20,7 миллиард доллар билан 12 поғонани банд этиб, Microsoft корпорацияси асосчиларидан бири Пол Аллен (20,5 миллиард доллар) ва Alphabet компанияси директорлар кенгашининг раиси Эрик Шмидт (12,4) каби бизнесменларни ортда қолдирди. Шундай қилиб, Forbes томонидан март ойида сайёранинг энг бой одамлари рейтингини эълон қилганидан бери Маск 7 миллиард долларга бойиган.
Маскнинг бу каби тез кўтарилиши аэрокосмик SpaceX капитализациясининг ўсиши билан тушунтирилмоқда. Одамларни Марсга юборишни режалаштираётган компания ўтган ойда 350 миллион доллар ўзига жалб қилди, унинг нархи эса 21 миллиард долларга баҳоланди. Ушбу бизнеснинг ярмидан кўпи Маскка тегишли.
Маск Tesla’га 2004 йилда асосий инвестор сифатида аъзо бўлган ва 2008 йилга бориб компаниянинг бош директорига айланган. Forbes’нинг маълум қилишича, у Tesla ва SpaceX ривожланишини молиялаштириш учун ўзининг барча активларини сотган.
Изоҳ (0)