Chipolo компанияси Bluetooth-маёқли пластик картани тақдим этди ва уни «дунёдаги энг ингичка Bluetooth-трекер» деб атади. Бу ҳақда «Hi-tech.mail.ru» хабар бермоқда. Уни ҳамёнингизга бошқа карталар билан бирга солиб қўйсангиз, ҳамён қаерда эканлигидан доимо хабардор бўлиб турасиз.
Бор-йўғи 2,15 мм қалинликдаги Chipolo Card 95-DB динамиклар, бир йилга етадиган батарея билан жиҳозланган ва 60 метрли радиусда ишлайди. 2,15 мм — тахминан учта кредит картасининг қалинлигига тенг бўлса-да, ҳали ҳеч ким бемалол ҳамёнга солиб қўйиш мумкин бўлган Bluetooth-маёқни ярата олмаган эди.
Шу тариқа, қурилма кўпчилик ҳамёнларга ёки ҳатто смартфонлар ва планшетларга тўғри келади (ғилофига солинади). Шунда уларни ҳеч қачон йўқотмайсиз, ҳеч бўлмаса, уйингизда.
Одатда йўқолган буюмлардаги маёқлар iPhone ёки Android смартфонингиздан 30—60 метр радиусда талабга кўра анча баланд товушли сигнал беришни бошлайди. Шунда сиз йўқолган нарсани осонгина топиб оласиз. Шунингдек, маёқ сигнал бермаган тақдирда ҳам, маёққа уланган қурилма унинг ишлаш зонасига тушиб қолса, сиз унинг жойлашган жойи ҳақида автоматик тарзда огоҳлантириш оласиз.
Изоҳ (0)