Совуқ сули ёрмаси — фойдали ва мазали нонушта. Уни тайёрлаш жуда осон. Сиздан бор-йўғи кечқурун керакли масаллиқларни тўплаб бирга қўшиш ва совитгичга қўйиш талаб қилинади. Бу сули ёрмаси учун ҳар қандай начинкалар ҳам бўлаверади.
1 банка учун асосий рецепт
Масаллиқлар:
- 0,25 стакан бутун сули ёрмалари (майдаланмаган ва тез тайёрланмайдиган)
- 0,3 стакан сут
- 0,25 стакан грекча йогурт
- 1,5 чой қошиқ чиа уруғи
- 1 чой қошиқ асал
- пластик қопқоқли 200 мл (1 стакан) ҳажмдаги банка
- яримта манго ва 1/8 чой қошиқ бодом экстракти
- 0,25 стакан черника ва 2 чой қошиқ заранг қиёми
- 0,25 стакан олма пюреси ва 0,5 чой қошиқ эзилган долчин
- 0,25 стакан майда тўғралган банан ва 1 ош қошиқ какао кукуни
- 0,25 стакан майда тўғралган банан ва 1 ош қошиқ ерёнғоқ ёғи
- 0,25 стакан иккига ажратилган малина мевалари, 1 ош қошиқ малина мураббоси ва 0,25 чой қошиқ ваниль экстракти
Тайёрланиши:
Банка ичига сули ёрмаси, йогурт, сут, чиа уруғи ва асал солинг. Қопқоғини ёпинг ва масаллиқлар бир текисда аралашиши учун банкани силкитинг. Начинкани таъбга кўра қўшинг ва сули ёрмаси билан авайлаб аралаштиринг. Банкани кечқурун совитгичга қўйинг. Совуқ ҳолда енг.Бананли сули ёрмаси совитгичда 2 суткагача туриши мумкин, бошқа начинкалар билан эса мевалар қандай пишганлигига қараб — 4 суткагача сақланиши мумкин.
Манба: «Zdorovie.com»
Изоҳ (0)