Нонушта – асосий овқатланишлардан бири бўлиб, у куч беради, бир кун учун энегия билан таъминлайди ва кайфиятни кўтаради. Шунинг учун нонушта нафақат мазали ва тўйимли, балки ранг-баранг ва чиройли тузатилган бўлиши керак. Биз сизни тез ва мазали нонушта тайёрлаш усуллари билан таништирмоқчимиз.
Бодринг, шивит ва қаймоқ билан тостлар
Масаллиқлар: 250 г (1 банкача) ёғлилиги 20% бўлган қаймоқ, 2 дона бодринг, 4 бўлак нон, мурч, бир боғ шивит, йирик денгиз тузи.Тайёрлаш: Блендерда шивитни майдаланг, қаймоқни қўшинг ва аралаштиринг. 15 дақиқа музлатгичга қўйинг. Бодрингларни ювинг, қуритинг ва юпқа доирачалар шаклида тўғранг, туз ва мурч сепинг. Нонни духовкада қизартиринг. Илиқ нон устига 1 ош қошиқ шивитли қаймоқ қўйинг, унинг устидан бодрингларни жойлаштиринг.
Банан, қатиқ ва асалли смузи
Бу ичимлик осон тайёрланади ва жуда мазали чиқади.Масаллиқлар: 500 г қатиқ, 3 дона яхши пишган банан, 1 ош қошиқ асал.
Тайёрлаш: Бананларни тозаланг ва йирик қилиб тўғранг, устига қатиқ ва асал қўшинг. Бир хил ҳолатга келгунча блендер ёки миксерда майдаланг ва совуқ ҳолда дастурхонга тортинг.
Бородино нони билан тайёрланган оливьели тост
Бу нонуштани йилнинг ҳар қандай фаслида ҳам тайёрлаш мумкин. Бунинг учун сизга байрам салати – оливье керак бўлади.Масаллиқлар: 75 г (3 ош қошиқ) ёғлилиги 20% бўлган қаймоқ, 125 г қайнатилган мол гўшти, 75 г қайнатилган картошка, 75 г қайнатилган сабзи, 75 г консерваланган яшил нўхат доналари, 75 г тузланган бодринг, 2 дона тухум, 4 бўлак бородино нони, кўкатлар, туз ва мурч таъбга кўра.
Тайёрлаш: Ҳамма масаллиқларни майда қилиб кубик шаклида тўғранг, яшил нўхат доналарини қўшинг. Аралаштиринг, туз, мурч сепинг ва қаймоқни қўшинг. Нонни духовкада қизартиринг. Илиқ нон устига 1 ош қошиқ салат қўйинг ва кўкатлар билан безатинг.
Манба: «Fishki.net»
Изоҳ (0)