Ливан армияси Сурия чегарасидаги 100 кв км ҳудудни ИШИДдан озод қилди

Ливан армияси Сурия билан чегара ҳудуддаги 100 квадрат километр майдонни ИШИД террорчиларидан тозалади. Бу ҳақда Ливан қуролли кучлари қўмондонлиги вакили генерал Али Кансу баёнот берди, деб хабар қилади «РИА Новости».

Унинг қўшимча қилишича, ал-Қаъ ва Рас-Баалбек тоғли туманларининг ИШИД қўли остида қолаётган 120 квадрат километрлик ҳудудидан 100 квадрат километри озод қилинган.

Ливан армияси қўмондонлиги 19 август куни ИШИДга қарши «Тоғли туманлар тонги» операциясини бошлаган эди. Операция Сурия билан чегара туманларини террорчилардан тозалашга қаратилган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.