Livan armiyasi Suriya bilan chegara hududdagi 100 kvadrat kilometr maydonni IShID terrorchilaridan tozaladi. Bu haqda Livan qurolli kuchlari qo‘mondonligi vakili general Ali Kansu bayonot berdi, deb xabar qiladi “RIA Novosti”.
Uning qo‘shimcha qilishicha, al-Qa’ va Ras-Baalbek tog‘li tumanlarining IShID qo‘li ostida qolayotgan 120 kvadrat kilometrlik hududidan 100 kvadrat kilometri ozod qilingan.
Livan armiyasi qo‘mondonligi 19-avgust kuni IShIDga qarshi “Tog‘li tumanlar tongi” operatsiyasini boshlagan edi. Operatsiya Suriya bilan chegara tumanlarini terrorchilardan tozalashga qaratilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)