Литва собиқ Иттифоқ давлатлари орасида биринчи бўлиб АҚШдан суюлтирилган газ сотиб олди 

Литва собиқ Иттифоқ давлатлари орасида биринчи бўлиб АҚШдан суюлтирилган табиий газ сотиб олди. Бу ҳақда «Интерфакс» хабар бермоқда.

АҚШнинг Cheniere Energy компаниясидан харид қилинган газ Clean Ocean танкерида Клайпеда шаҳридаги сузувчи терминалга етказилди.

Литва энергетика вазири Жигимантас Вайчюнасга кўра, Америка гази нарх борасида Россия гази билан рақобат қилиши мумкин.

Сентябр ўрталарида мамлакатга АҚШдан газ ортилган яна бир кема — Gas Natural Fenosa компанияси танкери келиши кутилмоқда.