Litva sobiq Ittifoq davlatlari orasida birinchi bo‘lib AQShdan suyultirilgan gaz sotib oldi 

Litva sobiq Ittifoq davlatlari orasida birinchi bo‘lib AQShdan suyultirilgan tabiiy gaz sotib oldi. Bu haqda “Interfaks” xabar bermoqda.

AQShning Cheniere Energy kompaniyasidan xarid qilingan gaz Clean Ocean tankerida Klaypeda shahridagi suzuvchi terminalga yetkazildi.

Litva energetika vaziri Jigimantas Vaychyunasga ko‘ra, Amerika gazi narx borasida Rossiya gazi bilan raqobat qilishi mumkin.

Sentyabr o‘rtalarida mamlakatga AQShdan gaz ortilgan yana bir kema — Gas Natural Fenosa kompaniyasi tankeri kelishi kutilmoqda.