Тошкент Фотосуратлар уйида 15 август куни Ўзбекистон Биринчи Президенти Ислом Каримов ҳаёти ва фаолиятига бағишланган фотокўргазма очилди. Бу ҳақда «Дарё» мухбири Мадина Нурман маълум қилди.
Фотокўргазмада Ислом Каримовнинг ҳаёти ва фаолияти саҳифаларини акс эттирган 39 та сараланган фотосурат намойиш этилмоқда.
Хабар беришларича, Ўзбекистон Бадиий академияси, Тошкент шаҳар ҳокимлиги, Ички ишлар вазирлиги, Соғлиқни сақлаш вазирлиги ҳамкорлигида ташкил этилган бу кўргазма 2017 йил 25 августга қадар давом этади.
Маълумот учун, Ўзбекистон Биринчи Президенти Ислом Каримов 2016 йил 2 сентябрь куни 78 ёшида вафот этган эди. Ўзбекистон Президенти Шавкат Мирзиёевнинг 2017 йил 25 январдаги қарорига мувофиқ, 2 сентябрь мамлакатда Ислом Каримов хотираси куни деб эълон қилинган эди.
Изоҳ (0)