Ўзбекистон Ички ишлар вазирлиги Ёнғин хавфсизлиги бошқармаси Қарши шаҳрида юз берган ёнғин юзасидан расмий маълумот берди. Расмий маълумот «Ўзбекистон 24» томонидан эълон қилинди.
2017 йилнинг 15 август куни соат 00:15 да Қашқадарё вилояти Қарши шаҳар Қарши—Бешкент йўлининг бешинчи километрида ёнғин содир бўлганлиги ҳақида вилоят ёнғин хавфсизлиги хизматининг 101 рақамига хабар келиб тушган. Воқеа жойига ёнғин ўчириш экипажлари соат 00:21 да етиб бориб, соат 00:48 да ёнғин бартараф этилган.Ёнғин «Ўзбекнефтгаз» миллий ҳолдинг компанияси «Ўзтрансгаз» АК «Жанубгаз таъминот» УКга қарашли автотураргоҳда суюлтирилган (пропан) газ ташишга мўлжалланган MAN русумли автомобилдан «ЗИЛ-441510» русумли автомобилга газни ўтказаётган вақтида газ ва ҳаво аралашмасининг чақнаши оқибатида содир бўлган. «ЗИЛ-441510» русумли автомобиль ёниб зарарланган ҳамда унинг ҳайдовчиси куйиш тан жароҳати олиб, шифохонага жойлаштирилган.
Ўзбекистон ИИВ ЁХБ баёноти
Изоҳ (0)