АҚШга тегишли ва КХДР томонидан ракета учириш билан таҳдид қилинган Гуам оролида иккита радиостанция тасодифан фавқулодда ҳолатда огоҳлантириш тизимини ишга тушириб юборди. Бу ҳақда The Guardian газетасига таяниб, «Интерфакс» хабар берди.
Маҳаллий вақт билан соат 12:25 да ҳалокат сигнали берилганидан сўнг баъзи радиотингловчилар полицияга қўнғироқ қилган.
«Таҳдид даражаси аввалгидек қолмоқда, биз одатдагидек ҳаракат қилишда давом этяпмиз», — дейди Гуам губернаторининг ички хавфсизлик бўйича маслаҳатчиси Жорж Чарфаурос.
АҚШ ички хавфсизлик вазирлиги ҳодиса хато сабабли юз берганини тасдиқлади ва бунга ўхшаш ҳодисалар такрорланмаслиги учун чоралар кучайтирилишига ваъда берди.
Ўтган ҳафтада КХДР Гуамдан бир неч ўн километр узоқликда жойлашган америка ҳарбий базаларига ракета учириши мумкинлиги билан огоҳлантирган эди:
Изоҳ (0)