ФХХ ходимлари томонидан Қримда Украина фуқароси бўлган Геннадий Лимешко қўпорувчилик ҳаракатларига тайёргарлик кўришда гумонланиб қўлга олинди, деб хабар берди Meduza.
Украиналик фуқаро 12 августда қўлга олинган, бироқ ФХХ бу ҳақида эндигина хабар берди. Махсус хизматнинг таъкидлашича, қўлга олинган шахс Украина хавфсизлик хизмати ходими ва у Қримнинг Судак — Янги нур трассаси ҳудудида қўпорувчиликни уюштириш вазифаси бўйича ҳаракат қилган.
Лимешконинг вазифаси Қримда электр узатгичлар тармоғини узиш, ёнғин уюштириш ва автомобиль йўли яқинида тоғ жинсларининг қулашини ташкиллаштиришдан иборат бўлган. Қўлга олиш вақтида унинг ёнидан тротил шашкалари, граната, арра ва фотоппарат аниқланган.
ФХХ маълумотларига кўра, Лимешко Украина шарқидаги жанговар ҳаракатларда иштирок этган ва Украина армиясидаги ҳарбий қисмлардан бирининг катта разведкачиси бўлган.
Изоҳ (0)