2017 йилда 600 минг суриялик ватанига қайтди

2017 йилнинг дастлабки етти ойида 602,7 минг нафар суриялик қочқин ўз юртига қайтиб келди. Бу ҳақда Халқаро миграция агентлиги вакили Оливия Хидон брифинг чоғида баёнот берди, деб хабар қилади «Интерфакс».

Унинг сўзларига қараганда, 2016 йил давомида қайтиб келган сурияликлар сони 685,6 минг кишини ташкил этган эди.

Ундаги маълумотларга кўра, 2017 йили қайтиб келган сурияликларнинг 84 фоизи Суриянинг бошқа минтақаларидан ўз вилоят ва туманларига келган. Қолган 16 фоизи — Туркиядан, Ливандан, Иорданиядан ва Ироқдан қайтган. Қайтганларнинг 67 фоизи Алеппо вакилларидир.

Шу билан бирга, 2017 йили яна 808,6 минг киши уйларини тарк этди.