Италиянинг Сицилия оролида 15 нафар кўнгилли ўт ўчирувчи кўпроқ пул ишлаш учун атайлаб ўрмонларга ўт қўйгани аниқланди. Ҳар чақирув учун улар соатига 10 евродан ҳақ олар эди, деб хабар беради TJournal.
Ўт ўчирувчиларнинг 14 нафари жаримага тортилди, бир нафари қамалди.
Ёнғинлар Рагуза шаҳрида уюштирилган эди. Маҳаллий расмийлар жамоа ортиқ даражада кўп чақирув олаётганини пайқаб, текширув бошлади. Жамоа 120 марта воқеа жойига чақирилгани, шу вақт ичида қолган жамоалар 40 мартадан чақирилгани гумонларни янада кучайтирди.
Ёнғинлар 2013–2015 йилларда уюштирилган эди.