Россия Халқлар дўстлиги университети оториноларингология кафедраси мудири, тиббиёт фанлари доктори, пофессор Василий Антонив ва тиббиёт фанлари доктори, профессор Валентин Аксенов уч кун давомида Гулистон шаҳрида бўлиб, сирдарёлик беморларни чуқурлаштирилган тиббий кўрикдан ўтказди, деб хабар берди ЎзА.
Россиялик мутахассислар иштирокида маҳаллий шифокорлар учун маҳорат дарслари ўтказилди. Қулоқ, томоқ, бурун ва бошқа тана аъзоларида шамоллаш касалликларининг оғир асоратли турлари билан оғриган беморлар кўрикдан ўтказилиб, муолажа қилинди. Жарроҳлик амалиёти ўтказилди.
Тиббиётнинг Ватани бўлган Ўзбекистонга келганимизнинг ўзи биз учун катта шараф. Юқори малакали шифокорлар билан ишлаш ҳамиша завқли. Ўзбекистонлик ҳамкасбларимиз билан гўё кўп йиллардан буён бирга ишлаётгандек ҳис қилдим ўзимни. Бу ердаги замонавий тиббий жиҳозлар, шифокор ва беморлар учун яратилган шароит ва имкониятлар таҳсинга лойиқ. Давлатингиз раҳбари ташаббуси билан тиббиёт соҳасида улкан ислоҳотлар амалга оширилаётир. Замонавий шифохоналар, тиббий дори-дармон ва асбоб-ускуналар ишлаб чиқаришга ихтисослашган корхоналар барпо этилмоқда. Тиббиёти ривожланган хорижий давлатлардан малакали шифокорлар таклиф қилинмоқда. Бу ерда амалга оширилаётган ишларни кўриб, рости, сизларга ҳавасим келди.Хорижлик олимларнинг ташрифи маҳаллий шифокорларга тажриба алмашиш имконини берди. Бу Ўзбекистонда аҳоли саломатлигини янада мустаҳкамлаш, маҳаллий мутахассисларни аниқ ташхис қўйиш, энг мураккаб муолажаларни амалга ошириш ва жарроҳлик амалиёти борасида тажрибасини бойитишга хизмат қилади.Василий Антонив, профессор
Изоҳ (0)