20 ва 21 сентябрь кунлари «Ўзекспомарказ» анжуманлар залида узоқ кутилган АКТ Ўзбекистон Ҳафталиги – Ахборот-коммуникация технологиялари ICT FORUM 2017 Форуми бўлиб ўтади.
Форум ўтказилишининг асосий мақсади ахборот технологиялари ва коммуникациялари соҳасида кузатилаётган сўнгги тенденцияларни муҳокама қилиш учун экспертлар майдончасини ташкил этиш. Форум блоклар кўринишидаги анжуманлар, бўлимлар кўринишидаги йиғилишлар ҳамда маҳорат сабоқлари ва интерактив мунозаралар шаклида бўлиб ўтади.
Салоҳиятли маърузачилар электрон ҳукумат, ахборот хавсизлиги, молиявий секторни рақамлаштиришва «булутли» технологиялар каби мавзуларни ёритиб беришлари кутилмоқда.
«Электрон ҳукумат» тизими фаолияти тўғрисидаги маърузада катта ҳажмдаги маълумотлардан (хизматлар сифатини яхшилаш, очиқ маълумотлар, «ақлли» шаҳарлар) фойдаланиш, давлат хизматлари (BPR, маъмурий жараён, давлат хизматларини ривожлантириш институти) тартибини такомиллаштириш, давлат хизматларининг сифатини баҳолаш, идоралараро электрон ҳамкорликнинг ягона тизими, тўғрисидаги мавзулар муҳокамаси ва АКТ орқали аҳоли билан мулоқот режалаштирилган. Шу мавзулар ҳақидаги маърузаларни 20 сентябрь куни соат 09:30 дан 13:30 гача тинглаш мумкин.
Молиявий секторни рақамлаштиришга оид мавзу муҳокамаси чоғида, маърузачилар онлайн–банкинг ва тўлов тизимлари, ижтимоий тармоқлар орқали тўлов, банклар учун «булутли» ечимлар, блокчейн ва шунга ўхшаш бошқа мавзуларни ёритишлари кўзда тутилган. Ушбу мавзуларни қамраб олган мажлис 20 сентябрь куни соат 14:00 дан 18:00 гача бўлиб ўтади.
АТ инфраструктураси бўлимида «булутли» технологиялар, маълумотлар хавсизлиги ва булутли платформа, хизмат кўрсатиш ёндашуви, кенг полосали алоқа линиялари инфратузилмасини ривожлантириш, симсиз ва мобил алоқалар, шунингдек кўплаб шу соҳага тегишли долзарб масалалар ҳақида маърузалар тақдим этилади. Маърузачилар 21 сентябрь куни соат 09:30 дан 13:30 гача бу борада ўз фикрларини билдирадилар.
Шунингдек, ахборот хавфсизлигига бағишланган қисмда инфратузилма ва ахборот тизимларини ҳимоя қилиш, ахборот хафсизлиги соҳасида замонавий ечимлар ва технологиялар, «Интернет нарсалар» учун хавсизлик ечимлари, DDoS-ҳужумлардан ҳимоя ва бошқа кўплаб мавзулардаги маърузалар тақдим этилиши кутилмоқда. Маърузалар вақти 21 сентябрь соат 14:00 дан 18:00 гача давом этади.
Маъруза ва аризалар топшириш муддатиМаърузалар тезислар кўринишида кўриб чиқилади (А4 форматидаги бир варақ), ўринли баҳо бериш учун улар қисқа, аммо етарли тафсилотга эга бўлиши лозим. Тезислар 2017 йилнинг 15 августига қадар қабул қилинади.
Қабул хабарномаси ICTWEEK Uzbekıstan – 2017 ташкилий қўмитаси томонидан 2017 йил 1 сентябрь кунигача маърузалар муаллифларига юборилади.
Ташкилотчи компания ҳақида маълумотЎзбекистон АКТ Ҳафталиги Ўзбекистон Республикаси Ахборот технологиялари ва коммуникацияларини ривожлантириш вазирлигининг расмий кўмаги билан ўтказилади.
Тадбир ташкилотчиси ICTNEWS Conferences.
Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади
Изоҳ (0)