22 июль куни Муҳаммад ал-Хоразмий номидаги Тошкент Ахборот Технологиялари Университети Ўзбек-Ҳинд марказида UzGeeks Community’нинг UzGeeks July2017 Meetup бўлиб ўтди. Бу галги митапга ахборот технологиялари соҳасида кўп йиллик малакага эга бўлган 3 та мутахассис таклиф этилди.
1.Double Technology LLC компанияси раҳбари Миржалол Баҳодиров ҳозирда жаҳонда кундан кунга оммабоп бўлиб бораётган, энг замонавий, энг янги дастурлаш тили бўлган Kotlin – дастурлаш тили ҳақида, унинг бошқа тиллардан афзалликлари, имкониятлари ва унинг жава дастурлаш тилидан фарқи ҳақида Is Kotlin future of Java? номли мавзуда тақдимот қилди.
2. DataSite Technology компанияси ходими Муроджон Нoрмaтов Microsoft компаниясининг энг охирги инновацион маҳсулотларидан бири бўлган, .Net Core framework технологияси бўйича олдиндан тайёрлаб келган тақдимотни ўтказиб берди.
3.Бир неча йиллардан бери мустақил дастурчи бўлиб ишлаб келаётган Фаррух Маматхалилов ўзининг ёшлигига қарамасдан, соҳада жуда катта бурилиш ясаган Node.js технологиясининг Express.js framework’и ҳақида тадимот қилди ва унинг асосида қурилган микросервислар тамойили асосида ишлайдиган кичик лойиҳани қандай ишлашини кўрсатди.
Ушбу мавзулар бўйича тадбир иштирокчилари таклиф этилган меҳмонларга ўзларини қизиқтирган саволларни беришди. Тадбир жуда қизғин, баҳс-мунозарага бой ҳолда бўлиб ўтди.
UzGeeks Community — бу Ўзбекистонинг ҳамма бурчакларидан бўлган ахборот технологийлари муҳандисларини фаолиятлари давомида шу соҳада орттирган билим ва тажрибалари, изланишлар ва ахборот технологиялари соҳасидаги энг сўнги янгиликлар билан бўлишиш, ёш мутахассисларга, талабаларга назарий билимларини амалиётдаги қўлланилиши, янги технология ва методологиялар билан танишиш имконини берувчи мутлоқ очиқ майдонча. Шу билан бирга, ахборот технологияларига оид ўзбекча сифатли ресурсларни яратишлар, борларини тўлдириш яна бир муҳим йўналишдан бири ҳисобланади.
UzGeeks Community доирасида 3 йилдан бери ҳар икки ойда бир марта очиқ мулоқот, билим ва малакалар билан бўлишиш мақсадида митап-тадбирлар ташкил этилади. Шу билан бирга, улар онлайн тарзида ижтимоий тармоқларда эфирга узатилади. Ушбу тадбирларда қатнашиш мутлоқ бепул бўлиб, хоҳлаган иштирокчи ўз шахсий профессионал тажрибаларидан келиб чиққан ҳолда бирор-бир мавзу бўйича тақдимот ўтказиб бериши ёки оддий эшитувчи-иштирокчи сифатида қатнашиши мумкин.
Шуни таъкидлаш жоизки, ҳозирги ахборот асрида шундай кўринишдаги тадбирлар, юртимизда ахборот технологияларини янада ривожланиши учун муҳим муҳит бўлиб, кўп йиллик тажрибага эга бўлган мутахассислар ва дастурлашни энди ўрганишни бошлаган ёш дастурчилар ўртасида зарурий кўприк сифатида хизмат қилади.
UzGeeks Community кейинги митап-тадбири сентябрь ойида бўлиб ўтади.
Реклама ҳуқуқи асосида!
Изоҳ (0)