Шу кунларда Қарши шаҳрининг Ўзбекистон кўчасида Абдулла Орипов номидаги она тили ва адабиёти фанини чуқурлаштириб ўқитишга ихтисослаштирилган мактаб-интернат биноси қад ростламоқда. Бу ҳақда Uz24 хабар бермоқда.
Мактаб шу кўчада жойлашган «Баркамол авлод» болалар маркази ёнида «Пудина Қувончбек» МЧЖ қурувчилари томонидан бино этилмоқда. Бу ерда 150 ўринли ўқув блоки, 50 ўринли ётоқхона ва 50 ўринли ошхона бинолари бўлади. Мактаб ёнида шоир ҳайкали ўрнатилади. Бинога кираверишдаги катта зал Абдулла Орипов музейига айлантирилади.
Қашқадарё вилоят халқ таълими бошқармаси бош мутахассиси Мавлуда Тошеванинг маълум қилишича, жорий йил 1 июлдан мактабда ўқиш истагини билдирган номзодлардан ҳужжат қабул қилиш бошланган:
«Бу йил 5, 6, 7, 8-синфларга ўқувчи оламиз. Атоқли шоир номи билан аталувчи мактабда ўқишга ёшларнинг қизиқиши жуда баланд. Буни ҳужжат топширувчиларнинг кўплигидан ҳам билиш мумкин».
Изоҳ (0)